Igrexa de San Roque (Patrimonio)
Rúa do Progreso s/n 15280 Melide (A Coruña)
Rúa Cantón de San Roque, Melide, 15800
A actual capela de San Roque construíuse en 1949 con materias procedentes das demolidas igrexas medievais de San Pedro e San Roque.
A portada principal, de principios do século XIV, procede da igrexa de San Pedro e está considerada unha das máis fermosas da arte medieval galega. Está enmarcada por dous contrafortes, composta por tres arquivoltas semicirculares que se apoian en capiteis corintios.
No interior están os sepulcros medievais de dous notarios melidenses, Diego García, Roi Lopes e da súa muller, Inés Eanes.
No retablo, de estilo neoclásico, destaca a imaxe de San Roque.
Atópase no camiño de Santiago e nela sélase a Compostela.
.jpg)






