Románico

Igrexa Parroquial de San Miguel de Bacurín

Galego

English

Castellano

Français

Deutsch

Portugués

Italiano

27232 Lugo (Lugo)

Bacurín (San Miguel)

Igrexa Parroquial de San Miguel de Bacurín

https://www.connexio.es/espazos/san-miguel-de-bacurin/

 Esta igrexa, dedicada a San Miguel Arcanxo, é un fermoso exemplo da arte rural galega. Está construída de sillería granítica (en fiadas a soga e tizón).

Conserva algúns interesantes elementos da súa fábrica orixinal (s. XII): a ábsida, a planta rectangular da súa nave, e as súas dúas portadas, unha situada no lado Sur e a outra orientada cara ao Poñente. A Ábsida abovedada ten dous tramos (recto e semicircular)  cunha pequena xanela con  dúas  semicolumnas con capiteis  historiados e numerosos canzorros esculpidos na cornixa.

A Sancristía do lateral e a espadana do campanario foron construídas xa no século  XVII.

A fachada conserva a porta románica abucinada, con tres arquivoltas e decoración axadrezada no exterior. Ten tres columnas pegadas a cada lado con base xeométrica, fuste liso e capiteis de inspiración vexetal; completan o conxunto un tímpano liso e xambas tamén lisas

A Portada Sur é de dobre  arquivolta, con  tímpano  bilobulado e unha columna a cada banda,  cinceladas con raias (rectas verticais no fuste dereito e en diagonal ou  helicoidal no esquerdo). Ten o arco exterior percorrido por un xadrezado

No interior ten un retablo barroco dos séculos  XVII- XVIII, cunha imaxe de San Miguel Arcanxo.

Concello, Comarca ou Provincia
Subscribirse a Románico