O Saviñao

Orixe románica con moitas reformas no século XVIII.

Conta Rafael Quintiá, Mariña:de deusa a santa, falando da cristianización dos castros mediante a construción de ermidas dedicadas a Santa Mariña sobre os antigos asentamentos ou nas súas inmediacións, e das lendas que acostuman a estar asociadas:

“Castro de Rosende, en Santa Mariña de Rosende (O Saviñao), que ten tesouros en forma de arcas de ouro e alcatrán. Un castro poboado polos mouros e onde tiñan unha cova que chegaba ata a fonte de Rosende, para ir coller auga. Ademais, a tradición oral, fala que dende o castro ata a fonte de Ludeiro hai un fío de ouro”.