Igrexa

Igrexa Parroquial de Santa María de Vilabade

Galego

English

Castellano

Français

Deutsch

Portugués

Italiano

27122 Castroverde (Lugo)

Vilabade, Castroverde

Igrexa de Santa María de Vilabade (Patrimonio)

A igrexa parroquial de Vilabade, coñecida popularmente como a "Catedral de Castroverde" pola súa grandiosidade, constitúe un exemplo de estilo gótico do século XV en Galicia, pero tamén conta con elementos do barroco e destaca especialmente o seu pórtico de cinco arcos de estilo renacentista.

Pertenceu a un antigo mosteiro franciscano coñecido na Alta Idade Media e que atendía aos peregrinos do Camiño Primitivo de Santiago, pero foi ampliado e reformado en varias ocasións.

Foi declarada monumento histórico-artístico de carácter nacional, o 16 de novembre de 1979,​ na actualidade conta co estatus de Ben de Interese Cultural.

Ao seu lado atópase o Pazo de Vilabade, edificio do século XIV reedificado en 1760 polos descendentes da familia Osorio.

Entre os dos edificios, forman un atractivo conxunto monumental, único en Galicia.

Documéntase a fundación en 1457, pero considérase que se realizou sobre unha anterior do século XIII, promovida por Fernando de Castro, irmán do II Conde de Lemos; no frontón triangular da fachada destaca o escudo dos Osorio.

 

Concello, Comarca ou Provincia

Igrexa Parroquial de Santa María de Valdeflores

Galego

English

Castellano

Français

Deutsch

Portugués

Italiano

Praza do Conde Santo 27760 Lourenzá (Lugo)

O conxunto formado polo Mosteiro, Igrexa e Museo de arte sacro, conta coas declaracións de Monumento Histórico Nacional, Ben de Interese Cultural e Patrimonio Mundial da Humanidade xunto co Camiño Norte de Santiago. 

Iniciouse a construción da igrexa en 1732 por Frei Juan de Samos e rematou  a fachada e a parte alta do interior Fernando de Casas Novoa. A fachada, xoia do barroco galego, exposta a modo de retablo de pedra flanqueado por dúas torres, considérase precedente arquitectónico da fachada do Obradoiro da Catedral de Santiago de Compostela. Foi realizada con pedra de granito de Burela. 

Retablo neoclásico de Ventura Rodríguez con imaxes de Ferreiro

Capela de Nosa Señora da Valvanera, s. XVII, tallada en madeira.  

Órgano barroco.

Na capela de Nosa Señora de Valdeflores atópase o sarcófago paleocristiano de mármore do s. XV que veu de Oriente e del di a lenda que o mercou o Conde en Terra Santa, que o depositou no mar e chegou á costa galega. Nel repousaron os seus restos ata 1968 e foi obxecto de peregrinación pois o pobo venerouno como santo. 

A obra feita nunha mármore de cor especial, presenta decoración xeométrica sinxela e no centro está labrado un crismón.

Na Sacristía destaca un Relicario barroco do s. XVII. Cada un dos bustos en madeira policromada representa a un santo e contén no seu interior a reliquia correspondente.

Sobre o altar, unha fermosa cúpula.

Concello, Comarca ou Provincia
Subscribirse a Igrexa