Vimianzo

Volta pr'a Terra

EVARISTO MARTELO PAUMÁN
Lugar: Castelo de Vimianzo

Nas Torres de Vimianzo
din que hai un mouro encantado,
homes e nenos co medo
de noite pasan de largo;
eu non sei si será o mouro,
eu non sei si será o trasno,
si son os meus pensamentos,
que algunha noite velando
solitario no meu leito,
co reflexo do cigarro
batendo nalgún espello,
ou no curruncho dun arco
trasvexo así como sombras
lindas e blancas pasando.
"Vinde a facer homenaxe,
vinde a min, que son o amo,
miña mesnada sombriza",
dígolles; quedo agardando,
mais elas, si son non veñen
aínda foxen cando eu falo.

Só escoito por resposta
os cans ó lonxe ladrando
xunto as portas dos quinteiros
non longo val espallados,
os asubíos do vento
nos matacáns do meu pazo,
o grave son da follaxe
como un xigante roncando,
o berro dunha curuxa,
ou as couces dos cabalos
que no silencio da noite
patean de min debaixo,...
e cando ó fin xa me durmo,
quixera velas soñando.
¡Ou! quen fora vulgo, ou neno!
¡Casi me encantan encantos!
   
(De Líricas gallegas,1894)

Castelo de Vimianzo

EVARISTO MARTELO PAUMÁN

Vimianzo

Concello, Comarca ou Provincia

Torres de Cereixo

2017-08-2520170825_195443.jpg

A Vila de Cereixo foi fundada polo rei Afonso IX no século XIII. Ten situación estratéxica para o comercio e necesidade de defensa contra os saqueos. De aí as torres.

É un lugar de entrada de peregrinos que chegaban por mar e continuaban a pé o camiño de Santiago.

Torres de Cereixo (Turismo.gal) (Wikipedia)

Torres de Cereixo

Pazo das Torres de Cereixo

Galería de imaxes de Cereixo, Vimianzo

Concello, Comarca ou Provincia
Subscribirse a Vimianzo